នៅពេលដែលយើងទទួលអ៊ីមែលមួយថ្ងៃៗប្រហែល១០០មែល នៅពេលនោះ ពេលខ្លះយើងមើលមិនឃើញមែលដែលសំខាន់សម្រាប់យើង។
ហេតុអ្វីក៏មានមែលច្រើនម្ល៉េះ? ឧទាហរណ៍ យើងមានគណនីក្នុង Facebook។ នរណាម្នាក់លើ Facebook បានបញ្ចេញយោបល់លើរូបថតដែលយើងបានចែកគ្នាមើលលើ Facebook នោះយើងនឹងទទួលបានអ៊ីមែល។ បើនរណាម្នាក់ ចែករូបថតដែរ ហើយមានដាក់Tag ឈ្មោះយើងនៅលើរូបថតនោះ ហើយមានមនុស្សបួនដប់នាក់បញ្ចេញយោបល់លើរូបថតនោះ យើងនឹងទទួលបានមែលបួនដប់តាមហ្នឹងដែរ។ ដូច្នេះបើយើងមានគណនីលើវ៉ិបសាយច្រើនផ្សេងទៀត ដោយប្រើអាសយដ្ឋានតែមួយ ដូចជា មែល yahoo នោះមួយថ្ងៃៗ យើងនឹងទទួលបានអ៊ីមែលក្នុងចំនួនដ៏ច្រើន ដែលអាចឱ្យយើងមើលរំលងមែលសំខាន់បំផុតដែលគេផ្ញើមកយើង។
ដើម្បីជៀសវាងបញ្ហានេះ ជាដំណោះស្រាយ ខ្ញុំបានបង្កើត Filter ។ មានន័យថា ធ្វើការរែងអ៊ីមែលដែលចូលមក អ៊ីមែលណាមកពីខាង Facebook ដាក់មួយដុំ អ៊ីមែលណាមកពីខាង WordPress ដាក់មួយដុំ។
អ៊ីមែលក្នុង Folder “Inbox”
អ៊ីមែលក្នុង Folder “Facebook”
ខ្ញុំប្រើមែលរបស់ yahoo ។ របៀប Filter មែលមានដូចតទៅ៖ ដើម្បីបង្កើត Filter សម្រាប់មែលមកពី Facebook
1. យើងពិនិត្យមើលមែលមកពី Facebook តើវាមានលក្ខណៈយ៉ាងម៉េច?
ត្រង់កន្លែង From : មានពាក្យ Facebook
ដូច្នេះយើងត្រូវដាក់លក្ខខណ្ឌថា បើមែលណាចូលមក ត្រង់កន្លែង From មានពាក្យ Facebook យើងឱ្យវាទៅនៅម្ដុំក្នុងFolder ឈ្មោះ Facebook ។
2. បង្កើត Folder ឈ្មោះ Facebook
3. ចុចលើពាក្យ option ឋិតនៅខាងលើផ្នែកខាងស្ដាំនៃ yahoo ។ រួចចុចលើពាក្យ More options …
4. បន្ទាប់មកយើងចូលមកដល់ Mail option page ។ នៅទីនេះ ចុចលើពាក្យ Filter រួចចុច Add Filter ..
5. បន្ទាប់មក
-ត្រង់ Filter name ដាក់ឈ្មោះអ្វីក៏បាន ឧទាហរណ៍ដាក់ថា Facebook Filter
– ត្រង់ Sender ត្រូវដាក់ថា Facebook ព្រោះមែលទទួលបានពី Facebook ត្រង់កន្លែង « From » សុទ្ធតែមានពាក្យ « Facebook » ។ សូមមើលក្នុងចំណុច 1.
– ត្រង់កន្លែង Move to Folder : ជ្រើសរើសយក Folder ដែលយើងបានបង្កើតក្នុង 2. គឺ Folder ឈ្មោះ Facebook
6. ចុច Save change.
ចប់សព្វគ្រប់ត្រឹមនេះ។ លើកក្រោយពេលមាន មែលមកពី Facebook មែលនោះនឹងចូលទៅក្នុង Folder Facebook អូតូម៉ាទិច ដោយមិនមាននៅលាយឡំជាមួយមែលផ្សេងទៀតក្នុង Inbox ទេ។
និស្សិតខ្មែរ 